கொழும்பு, கறுவாத்தோட்டம் பொலிஸ் நிலைய போக்குவரத்து பிரிவில் பொலிஸ் உத்தியோகத்தர் ஒருவர் விபத்தில் சிக்கி வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.
கொழும்பு தாமரைத் தடாகம் பகுதியில் இருந்து சுதந்திர சதுக்கத்திற்கு செல்லும் வழியில் சி.சி.சி மைதானத்திற்கு அருகில் உள்ள பகுதியில் இந்த விபத்து நேற்று வியாழக்கிழமை (5)இடம்பெற்றுள்ளது.
குறித்த பகுதியில் போக்குவரத்துக் கடடையில் ஈடுபட்டிருந்த இளம் பொலிஸ் அதிகாரியின் மீதே கார் மோதியுள்ளது.
மேலும் வாகனத்தை ஓட்டிச் சென்றதாகக் கூறப்படும் சிரேஷ்ட பொலிஸ் அதிகாரி ஒருவரின் மகன் பொலிஸாரால் கைது செய்யப்பட்டுள்ளார்.
விபத்தில் படுகாயமடைந்த பொலிஸ் உத்தியோகத்தர் கொழும்பு தேசிய வைத்தியசாலையில் அனுமதிக்கப்பட்ட நிலையில், சிகிச்சை பலனின்றி உயிரிழந்துள்ளார்.
உயிரிழந்த பொலிஸ் உத்தியோகத்தர் 25 வயதான வலஸ்முல்ல பிரதேசத்தை சேர்ந்தவர் என்பது குறிப்பிடத்தக்கது.
