வெளிநாட்டில் கைது செய்யப்பட்ட இலங்கையைச் சேர்ந்த பாதாள உலகக் குழு உறுப்பினர்கள் இன்று காலை நாட்டுக்கு அழைத்துவரப்பட்டனர்.
மடகஸ்கரில் கைது செய்யப்பட்ட ‘ஹரக் கட்டா’ என்றழைக்கப்படும் நந்துன் சிந்தக மற்றும் ‘குடு சலிந்து’ என்றழைக்கப்படும் சலிந்து மல்ஷிகா ஆகியோரே நாட்டுக்கு அழைத்து வரப்பட்டனர்.
சந்தேகநபர்களை நாட்டுக்கு அழைத்து வருவதற்காகக் குற்றப் புலனாய்வுத் திணைக்கள அதிகாரிகள் குழு அண்மையில் மடகஸ்கருக்குச் சென்றிருந்தனர்.
‘ஹரக் கட்டா’ மற்றும் ‘குடு சலிந்து’ ஆகியோருடன் மேலும் 6 பேர் அந்தக் குழுவில் உள்ளனர். ‘ஹரக் கட்டா’வின் மனைவி என்று கூறப்படும் வெளிநாட்டுப் பெண்ணும் அந்தக் குழுவில் உள்ளார்.
இந்தக் குழுவினர் கடந்த 7ஆம் திகதி கைது செய்யப்பட்டனர் எனவும், இது தொடர்பில் மடகஸ்கர் அதிகாரிகள் இலங்கைக்கு அறிவித்திருந்தனர் எனவும் தெரிவிக்கப்பட்டுள்ளது.
