பதுளையில் ஹெரோயின் போதைப்பொருளுடன் பெண் ஒருவர் கைது செய்யப்பட்டுள்ளார்.
பதுளை பொலிஸ் பிரிவுக்குட்பட்ட பஹலகம பகுதியில் வீடொன்றில் பெண் ஒருவர் ஹெரோயின் போதைப்பொருள் விற்பனையில் ஈடுபடுகின்றார் என்று பொலிஸாருக்குத் தகவல் கிடைத்துள்ளது.
இதையடுத்து உடன் சம்பவ இடத்துக்கு விரைந்த பதுளை பொலிஸ் குற்றத் தடுப்புப் பிரிவினர், குறித்த வீட்டைச் சுற்றிவளைத்துச் சோதனைக்கு உட்படுத்திய போது வீட்டில் இருந்து 6 ஆயிரத்து 300 மில்லி கிராம் ஹெரோயின் போதைப்பொருள் மீட்கப்பட்டுள்ளது.
அத்துடன் வீட்டில் இருந்த அதே பகுதியை சேர்ந்த 60 வயதுடைய பெண் ஒருவரும் கைது செய்யப்பட்டுள்ளார்.
