கனடாவில் அதிவேகமாகப் பயணம் செய்த வாகனம் ஒன்று விபத்துக்குள்ளானதில் மூன்று பேர் உயிரிழந்துள்ளனர்.
டெஸ்லா ரக வாகனம் ஒன்றில் பயணம் செய்த மூன்று பேரே இவ்வாறு உயிரிழந்துள்ளனர்.
அதிவேகமாகச் சென்ற வாகனம் கட்டுப்பாட்டை இழந்து வீதியில் குடை சாய்ந்ததன் காரணமாக இந்த விபத்து இடம்பெற்றுள்ளது என்று ஆரம்ப கட்ட விசாரணைகளில் இருந்து தெரியவந்துள்ளது.
இந்த விபத்து சம்பவத்தில் இரண்டு ஆண்களும், ஒரு பெண்ணும் சம்பவ இடத்திலேயே உயிரிழந்துள்ளனர்.
வாகனத்தில் ஆறு பேர் பயணித்துள்ளனர் எனவும், மேலும் இரண்டு ஆண்கள் படுகாயம் அடைந்து வைத்தியசாலையில் சேர்க்கப்பட்டுள்ளனர் எனவும் தெரிவிக்கப்படுகின்றது.
இந்த வாகனத்தில் பயணம் செய்த மற்றுமொரு பெண் காயமடைந்து வைத்தியசாலையில் சிகிச்சை பெற்று வருகின்றார் எனவும், அவருக்கு உயிராபத்து கிடையாது எனவும் தெரிவிக்கப்படுகின்றது.
சம்பவம் தொடர்பில் பொலிஸார் விரிவான விசாரணைகளை ஆரம்பித்துள்ளனர்.
எட்மோன்டன் பகுதியில் எல்லர்லைய் விதிக்கு அருகாமையில் இந்த விபத்து இடம்பெற்றுள்ளது.
இந்த விபத்தில் உயிரிழந்தவர்கள் பற்றிய ஆள் அடையாள விபரங்கள் எதுவும் இதுவரையில் வெளியிடப்படவில்லை.
