‘பொன்னியின் செல்வன் 1’ படத்தின் வசூல் சாதனையை ‘பொன்னியின் செல்வன் 2’ முறியடிக்கத் தவறிவிட்டது.
மணி ரத்னம் இயக்கத்தில் கடந்த ஏப்ரல் மாதம் 28ஆம் தேதி வெளிவந்த திரைப்படம் பொன்னியின் செல்வன் 2.
இப்படத்தில் விக்ரம், ஐஸ்வர்யா ராய், ஜெயம் ரவி, கார்த்தி, திரிஷா என பல முன்னணி நட்சத்திரங்கள் நடித்திருந்தனர்.
பெரும் எதிர்பார்ப்பில் வெளிவந்த இப்படம் கலவையான விமர்சனங்களை பெற்றது. இதனால் வசூலும் குறையத் தொடங்கியது.
முதல் பாகம் உலகளவில் 500 கோடி இந்திய ரூபா வரை வசூல் செய்த நிலையில், இரண்டாம் பாகம் இதுவரை உலகளவில் இந்திய ரூபா 340 கோடிக்கும் மேல் மட்டுமே வசூல் செய்துள்ளது.
இதனால் முந்தைய படத்தின் வசூல் சாதனையை இரண்டாம் பாகம் முறியடிக்கத் தவறிவிட்டது.
இந்நிலையில், பொன்னியின் செல்வன் 2 திரைப்படம் வெளிநாட்டில் மட்டுமே எவ்வளவு வசூல் செய்துள்ளது என்பது குறித்து தகவல் வெளியாகியுள்ளது.
அதன்படி, இப்படம் வெளிநாடுகளில் மட்டுமே இந்திய ரூபா 130 கோடி வரை வசூல் செய்துள்ளது எனத் தெரியவந்துள்ளது.
இந்த வசூல் பொன்னியின் செல்வன் 1 படத்தை விட 24 சதவீதம் குறைவு எனத் தகவல் தெரிவிக்கின்றது.
