மட்டக்களப்பு, கொக்கட்டிச்சோலை – அரசடி ஆற்றில் படகு ஒன்று கவிழ்ந்ததில் மீனவர் ஒருவர் உயிரிழந்துள்ளார்.
கொக்கட்டிச்சோலையைச் சேர்ந்த இரண்டு பிள்ளைகளின் தந்தையான கந்தர்ப்பர் வெள்ளத்தம்பியே இவ்வாறு உயிரிழந்துள்ளார்.
இறால் பிடிப்பதற்காகச் சென்றிருந்த வேளையில் திடீரென வீசிய பலத்த காற்றால் படகு கவிழ்ந்து விபத்துக்குள்ளாகியுள்ளது.
இதனால் நீரில் மூழ்கிய குறித்த நபரை ஏனைய மீனவர்கள் மீட்டு மகிழடித்தீவு வைத்தியசாலையில் சேர்த்தனர்.
எனினும், குறித்த மீனவர் சிகிச்சை பலனின்றி உயிரிழந்துள்ளார்.
