தேயிலை மலையில் இருந்து யுவதியின் சடலம் மீட்பு!

புஸல்லாவ, சோகம தோட்டத்தில் உள்ள தேயிலை மலையிலிருந்து யுவதி ஒருவரின் சடலம் மீட்கப்பட்டுள்ளது.

புஸல்லாவ, எல்பொட பகுதியைச் சேர்ந்த சதாசிவம் நிரஞ்சளா என்ற 25 வயது யுவதியே இவ்வாறு சடலமாக மீட்கப்பட்டுள்ளார்.

தேயிலை மலையில் கொழுந்து பறித்துக்கொண்டிருந்த தொழிலாளர்கள், சடலத்தைக் கண்ட பிறகு அது தொடர்பில் தோட்ட முகாமையாளருக்கு அறிவித்துள்ளனர். பின்னர் இது தொடர்பில் புஸல்லாவ பொலிஸாருக்குத் தகவல் வழங்கப்பட்டுள்ளது.

சம்பவ இடத்துக்கு விரைந்த பொலிஸார் விசாரணைகளை ஆரம்பித்தனர்.

கம்பளை உதவி நீதிவான் நந்தினி காஞ்சிலதாவின் விசாரணையின் பின் மேலதிக பரிசோதனைக்காகக் கண்டி வைத்தியசாலைக்குச் சடலம் கொண்டு செல்லப்பட்டுள்ளது.