கோழி முட்டை ஒரு சிறந்த ஊட்டச்சத்து மிக்க உணவு. இது குழந்தைகள் முதல் பெரியவர்கள் வரை அனைவருக்கும் ஏற்றது. தினமும் ஒரு முட்டையை உட்கொள்வதனால் நமது உடலுக்கு பல நன்மைகள் கிடைக்கின்றன.
முட்டை வெள்ளைக்கருவில் அதிக அளவு புரதம் உள்ளது. இது தசைகளின் வளர்ச்சிக்கும், பழுதுபார்ப்பதற்கும் அவசியமானது.
முட்டையில் வைட்டமின் A, D, E, B1, B2, B5, B6, B12, B 9 போன்ற பல விட்டமின்கள் உள்ளன. இவை நோய் எதிர்ப்பு சக்தியை அதிகரிப்பதுடன் கண் பார்வை, நரம்பு மண்டலம், இரத்த ஓட்டம் போன்றவற்றையும் மேம்படுத்தும்.
முட்டையில் கால்சியம், இரும்பு, மெக்னீசியம், பாஸ்பரஸ், பொட்டாசியம், துத்தநாகம் போன்ற தாதுக்கள் உள்ளன. இவை எலும்புகள், பற்கள், இரத்தம் போன்றவற்றின் ஆரோக்கியத்திற்கு அவசியமானவை.
முட்டையில் உள்ள கொழுப்பு ஆரோக்கியமான கொழுப்பு. இது இதய ஆரோக்கியத்திற்கு நல்லது.
முட்டையில் கொலஸ்ட்ரால் உள்ளது என்பது உண்மைதான். ஆனால் கொலஸ்ட்ரால் அளவு அதிகமாக இருப்பவர்கள் மட்டும் முட்டையை தவிர்க்க வேண்டும். மற்றவர்கள் தினமும் ஒரு முட்டை சாப்பிடுவதால் எந்த பிரச்சனையும் இல்லை.
முட்டை சாப்பிடுவதால் நோய் எதிர்ப்பு சக்தி அதிகரிப்பதுடன் தசைகளின் வளர்ச்சிக்கும், இதய ஆரோக்கியத்தை மேம்படுத்துவதற்கும் மூளை செயல்பாட்டை மேம்படுத்துவதற்கும், கண் பார்வைக்கும் சிறந்தது என்பதுடன் எலும்புகள் மற்றும் பற்களை வலுப்படுத்தவும் உதவுகின்றது.
