முல்லைத்தீவில் இன்று கேரளா கஞ்சாவுடன் தாழையடி பகுதியினை சேர்ந்த இளம் பெண்ணொருவரை முல்லைத்தீவு பொலிஸார் கைது செய்துள்ளனர்.
இன்று (11.03.2024) காலை 11.30 மணியளவில் இடம்பெற்ற கைது சம்பவம் தொடர்பில் மேலும் தெரியவருவதாவது,
வட்டுவாகல் பாலத்திற்கு அருகில் இராணுவத்தினர், விஷேட அதிரடி படையினர், பொலிஸார் இணைந்து விஷேட சோதனை நடவடிக்கையினை மேற்கொண்ட போதே குறித்த பெண் கைது செய்யப்பட்டுள்ளார்.
மன்னாரிலிருந்து முல்லைத்தீவு நோக்கி பயணித்த தனியார் பேருந்தினை வழிமறித்து சோதனையை மேற்கொண்ட போது குறித்த பெண்ணிடமிருந்த கைப்பையில் 500 கிராம் கேரளா கஞ்சாவினை வைத்து கடத்தி செல்ல முற்பட்ட சமயத்தில் ஆனையிறவு தாழையடி பகுதியை சேர்ந்த 27 வயதுடைய பெண்ணை கைது செய்துள்ளனர்.
மேலதிக விசாரணைகளின் பின்னர் முல்லைத்தீவு நீதிமன்றத்தில் ஆஜர்படுத்தவுள்ளனர்.
