லங்கா சதொச நிறுவனம் நான்கு அத்தியாவசிய பொருட்களின் விலையை குறைத்துள்ளது.
சம்பா அரிசி, கொண்டைக்கடலை, உளுத்தம் பருப்பு மற்றும் சிவப்பு அரிசி ஆகியவற்றின் விலைகள் குறைக்கப்பட்டுள்ளதாக அந்த நிறுவனம் அறிவித்துள்ளது.
அதன்படி, ஒரு கிலோ சம்பா அரிசியின் விலை 6 ரூபாவினாலும் , ஒரு கிலோ கொண்டைக்கடலையின் விலை 6 ரூபாவினாலும், பருப்பு கிலோ ஒன்றின் விலை 5 ரூபாவினாலும், சிவப்புஅரிசி கிலோ 3 ரூபாவினாலும் குறைக்கப்பட்டுள்ளது.
அதன்படி புதிய விலையாக சம்பா அரிசி கிலோ 222 ரூபாவாகவும், ஒரு கிலோ கொண்டைக்கடலையின் விலை 549 ரூபாவாகும். ஒரு கிலோ பருப்பின் விலை 295 ரூபாவாகும். சிவப்பு அரிசி கிலோ 169 ரூபாவாகவும் விற்பனை செய்யப்படும் என தெரிவித்துள்ளனர்.
