ஜெயம் ரவி நடிப்பில் உருவான அகிலன் என்ற திரைப்படத்தின் படப்பிடிப்பு கடந்த சில மாதங்களுக்கு முன்னர் முடிவடைந்த நிலையில் இந்த படம் விரைவில் ரிலீசாகும் என்று எதிர்பார்க்கப்பட்டது.
இந்த நிலையில் அகிலன் படத்தின் ரிலீஸ் திகதி அதிகாரபூர்வமாக பட குழுவினர்களால் அறிவிக்கப்பட்டுள்ளது.
ஜெயம் ரவி நாயகனாக நடித்திருக்கும் இந்த படத்தில் பிரியா பவானி சங்கர் நாயகியாக நடித்துள்ளார் என்பதும் மேலும் ஹரிஷ் உத்தமன் தன்யா ரவிச்சந்திரன் உற்பட பலர் இந்த படத்தில் நடித்துள்ளனர் என்பது குறிப்பிடத்தக்கது.
இயக்குனர் கல்யாண் என்பவர் இந்த படத்தை இயக்கியுள்ளார். இவர் ஏற்கனவே ஜெயம் ரவி நடித்த பூலோகம் என்ற படத்தை இயக்கியவர் என்பது குறிப்பிடத்தக்கது.
இந்த நிலையில் அகிலன் படம் வரும் மார்ச் 10ஆம் திகதி ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது. மேலும் ரிலீஸ் திகதி குறித்த புதிய போஸ்டர் ஒன்றும் வெளியாகி உள்ள நிலையில் அந்த போஸ்டர் வைரலாகி வருகிறது.
ஜெயம் ரவி நடித்த பொன்னியின் செல்வன் திரைப்படம் ஏப்ரல் 28ஆம் திகதி ரிலீசாக இருக்கும் நிலையில் அடுத்தடுத்த மாதங்களில் அவருடைய படங்கள் ரிலீஸ் ஆகவுள்ளன என்பது குறிப்பிடத்தக்கது.
